竞彩篮球：NBA年度颁奖典礼汇总

标签：赛事前瞻

    时间过得好快，仲有几日2019年正式进入下半Part，NBA总决赛硝烟早已消散，引爆球迷热议嘅话题马上转至以施安威廉臣为首嘅一班新扎师兄，而从早排开始至到未来一段时间就系各路豪强喺球员市场上嘅军备竞赛，每单交易同签约都掀动球迷嘅狂热，总之一年到头每日都有值得大家关注嘅元素。或者因为新闻精彩不断，以往大家都期待嘅年度单项大奖似乎无咁多睇头，可能因为本赛季各个奖项归属都无乜悬念吧。点都好，2018-19赛季嘅各个单项奖都已揭晓，呢啲各自范畴嘅佼佼者对于殊荣可谓当之无愧，下列笔者带大家回顾下几个“传统大奖”。

    年度新人王

     论人气、实力同颜值，过去呢季根本无一个新秀可以同时结合几方面对独行侠新领袖卢卡当锡产生威胁，可能净系得特雷杨喺某啲时候嘅神来之笔令同时撞紧新秀墙嘅东欧新星终于感觉到有对手。而德安德烈艾顿、谢伦积逊、马文巴格利等等虽然都展现出超强天赋，但综合成季嘅表现嚟睇入不到争奖行列系情理之中；好简单，卢卡当锡系史上第五个做到新秀赛季场均斩获“20+5+5”(得分、篮板同助攻)，另外4位分别系罗拔逊、迈克尔乔丹、詹姆斯以及T.埃文斯，无人有过爆冷失奖。回顾票选情况，卢卡当锡获得所有100张第一选票其中98张，另外2张属于特雷杨，谂返起旧年宾史蒙斯、积逊达顿同多诺万米曹“三足鼎立”，今年就算不洗睇新闻，大家都知道卢卡当锡会以压倒性优势攞奖。

    最佳进步奖

     相对之下，最佳进步奖就多啲人一齐玩。D.罗素带领篮网以东部第六嘅成绩杀入季后赛，个人数据迎来涨幅同时比赛掌控力令人刮目相看，最紧要系入选咗全明星，放喺以前已经够晒说服力；二年级控卫迪艾朗霍斯用行动证明自己已经系联盟最强“飞毛腿”，每次睇国王嘅集锦几乎都见到佢高速突破变向、一条龙扣篮、从后赶上送出排球式封波，呢类点睇都不厌嘅暴力表现深得观众欢心，而最重要系投篮命中率尤其是三分球有明显进步，国王喺佢带领下曾经非常接近阔别十几年嘅季后赛。真系不好彩，佢哋今年撞正井喷式爆发嘅施亚甘，呢位被誉为“喀麦隆杜兰特”嘅锋线跑腿数据全方位激增，系里奥拿德嘅最强副手，也都系猛龙队史首冠嘅重要功臣。因为有咁完美嘅一年，施亚甘获得86张第一选票，而D.罗素同迪艾朗霍斯加埋都系得13张，猛龙前锋获奖无疑实至名归。

    最佳第六人

     另一个悬念不大嘅奖项，成个赛季以嚟真系揾不出一个对球队影响力可以好似路易斯威廉姆斯咁样程度嘅替补，就算喺历史长河入面，我哋曾经觉得克劳福德、吉诺比利已经非常犀利，不过真正嘅替补席王者始终系呢位未够33岁就成为历史替补球员得分王。连续2年、生涯第三次，照咁嘅势头发展，未来呢个奖改名叫“路易斯威廉姆斯奖”真系一啲都不出奇。

    最佳主帅

     若然呢个奖项系睇埋季后赛成绩嘅话，带领猛龙创造历史嘅历克纽斯肯定系大热，可惜范畴局限于常规赛，呢位加拿大主帅无疑输蚀俾领导雄鹿登上联盟之巅嘅布登霍泽。过去呢个赛季，雄鹿喺布登霍泽麾下风头一时无两，以安特托昆博为战术核心，身边配搭着一班具备投篮同快速反击能力嘅“长手怪”，另外29队基本上无边个可以完全破坏佢哋行云流水嘅比赛节奏。而最令人惊喜嘅一招莫过于将传统中锋布鲁克卢比斯彻底改造成空间型内线，虽然联盟向来不乏高射炮，不过好似佢转变咁大而且效果良好嘅确系罕见。遗憾就系几位核心球员季后赛整体经验相对猛龙嗰几只“老鬼”未够丰富，布登霍泽如果想一尝总决赛滋味就要睇嚟紧下赛季点样维持球队竞争力同时学识更多拆解对手绝招嘅路数。

    最佳防守球员

     从票选情况嚟睇，获得六成五第一选票嘅R.高伯特都赢得几轻松，而喺佢成功坐庄之后，爵士也成为历史上第二支拥有2名球员获得至少2次最佳防守球员嘅球队，第一支做到嘅系活塞(洛文2次&宾华莱士4次)。近呢几年，施尼达执教嘅爵士秉承传统铁血球风，而正因为有R.高伯特担任内线大闸，一个人可以担起成队嘅防守体系，好多时候比赛进程反潮流，对手或者自己得分效率急转直下，场面自然较为沉闷，不合乎大众口味。但也都多谢佢哋嘅“牺牲”，令好多资深球迷揾返NBA上一个时代嘅味道，虽然每个进攻都不容易完成，但无需去到关键时刻先有激动人心嘅入波。正所谓“进攻得民心，防守赢冠军”，爵士复兴之路有咁好嘅基础，但想向更高层次迈进，要努力嘅地方仲系非常多。

    最有价值球员

     颁奖之前，旧年嘅得奖者也即本赛季其中一个热门哈登已经开启访华之旅不会参加呢场典礼，此举等于话俾大家知今年无缘蝉联。既然系咁答案呼之欲出——安特托昆博。毫无疑问，“字母哥”嘅当选注定载入史册，首先佢系继诺维斯基(2006-07赛季)后首位外籍球员、也都系希腊历史第一位MVP；第二，佢系渣巴1974年之后雄鹿又一位MVP；第三，佢同纳什并列成为历史上选秀顺位最低嘅MVP(第15顺位)；第四，佢也都系历史唯一一个既攞过MIP(最佳进步奖)又攞过MVP嘅球员。总括嚟讲，安特托昆博系近多年嚟最励志嘅一出奋斗故事，从无到有，科比2年前推特发出嚟嘅任务挑战至关重要，因为咁而激起“字母哥”发扬“曼巴精神”嘅决心，身为球迷嘅我哋不禁为其动容。有意思嘅系，科比第一时间恭喜安特托昆博，并且再度发出任务挑战，而本次嘅目标就系总冠军，上次就2个赛季，不知安特托昆博本次又会用几多时间去达标咧？大家不妨拭目以待。

[投注竞彩篮球][没账户？马上注册]分享到：

网址：竞彩篮球：NBA年度颁奖典礼汇总 http://c.mxgxt.com/news/view/1283300

相关内容

ESPY颁奖典礼最牛合影，四人22个NBA总冠军、13次MVP、52次全明星！
颁奖典礼作文400字汇总六篇
年度音乐颁奖典礼落幕，实力歌手大放异彩
SHE的颁奖典礼获奖数
黑龙江影视明星汇颁奖典礼盛大开场
穆古鲁扎出席第90届奥斯卡颁奖典礼
EDG颁奖典礼点燃罗湖电竞激情：无畏契约荣耀时刻
2012亚洲偶像盛典颁奖典礼，2013年亚洲偶像盛典终身成就奖
20xx年第一季度模范颁奖典礼主持稿
2023 年格莱美奖：颁奖典礼红毯现场

随便看看