专访｜文颂娴亲解与TVB「亲生女」怨恨已谂通自认后生不够圆滑

发布时间：2024-12-28 14:13

图文：HK01

现年47岁的文颂娴（Annie）相信是不少TVB观众的青春回忆，《金装四大才子》、《锦绣良缘》，仙气精灵模样令人一见难忘。Annie婚后淡出荧幕，诞一女专心相夫教子，近年抵不住戏瘾，复出拍电视剧《打天下》及《叠影追击》。

做过女一的文颂娴，一度是力捧艺人之一，但上位速度始终不够人快，时也命也？她认为是性格决定命运：「咁可能系我自己慨性格啦，嗰时啲人话『你都唔笑！』、『你唔笑个样好串㗎！』、『朝头早见到你好似嬲晒成村人』。跟住我心谂，嗰阵时细个呀嘛，我唔系嚟卖笑，我系出嚟做戏，咁点呀？你叫我5点半嚟，之前嗰个收4点，而家6点返工，我返到嚟仲可以笑？有乜可能啫？」

文颂娴参演《叠影狙击》

自言年轻做人不够圆滑

文颂娴由亚视获邀加盟TVB，当时她刚续约，TVB等足两年，一完约即再发出邀请，诚意打动文颂娴。甫入去TVB确是礼待，但年轻的文颂娴不懂得圆滑做人，自言或因此上位比较慢，她说：「咁我人嚟㗎嘛！咁我都唔够瞓，点样Hello打招呼，可能真系好多人对我有误解，我觉得唔紧要慨，都系咁㗎啦，都过咗去啦！我真系做唔到呀嘛，我唔够瞓，点对住你笑啫？咁我嗰阵比较年青、比较自己啰，又唔系好圆润，可能呢样慨关系，令我有啲慢啰。但唔紧要慨，每个人想要慨嘢唔同，最紧要睇你自己心态，就算而家拍剧有一个饭盒，冻柠茶就好满足。」

文颂娴在《天子寻龙》扮演的「碧瑶仙子」，是90后的童年集体回忆。

非「亲生女」不怨恨：我同TVB冇仇

做艺人为了名利奖项明争暗斗并非新鲜事，但文颂娴知足，不争不抢，一切顺其自然。正因如此，待了亚视及TVB约10年，突然迎来新机遇，恰好不想再做温室小花，便顺水推舟外出闯闯。虽然文颂娴曾表示因后期捧「亲生女」而离开，但如今文颂娴已谂通，潇洒离开无怨无恨，她耸耸肩说：「我同TVB冇仇，我系好自然加入，都系好自然咁离开。其实呢样嘢都系你同对方大家Deal咋嘛，渠又冇话应承我要去到咩位置，而渠哋冇做，只不过渠哋从亚视邀请我过嚟咋嘛。」

文颂娴同TVB冇仇

文颂娴拥有冻龄面孔

「七魔女」真心姊妹

在TVB最大收获，相信是结识了一班真心姊妹，与佘诗曼、汤盈盈、梁靖琪、姚乐怡、钟丽淇、周家蔚组成「七魔女」，友谊持续至今，其中仍最活跃荧幕的必定是佘诗曼，「七魔女」从不互相干预工作，各自打拼，「我哋工作上从来都唔会干预大家，唔会做任何嘢，我哋真系姊妹。我同渠（佘诗曼）拍完《帝女花》之后先开始熟慨，后嚟又因为Toby、莹莹合成七姊妹。我哋分得比较清楚慨，尽可能我哋玩就唔系倾工作，会倾心事，私底下交心慨朋友。」

两个都好得意

文颂娴与佘诗曼、姚乐怡等人组成“七魔女”

忆细个拍剧辛酸：最怀念叉鸡饭

文颂娴感谢仍记得她的人，「我好感恩我留低慨作品，或者我合作过慨人，人哋会记得。」阔别荧幕多年，文颂娴坦言最怀念的是剧组「名物」——「死尸饭」，忆述以往拍剧辛酸，已能一笑置之，她说：「渠哋真系对我好好，大热天时一定系拍打仗戏呀、去嗰啲太阳谷呀，3、40度着晒盔甲。咁17、8岁系发育时期，我好肚饿，我又唔会揸车去啦咁远，咁剧组最多畀水你饮㗎啫！电视台冇咁好优待，你能够上车叹一阵冷气已经好好。嗰阵有人买汽水，加一个叉鸡饭，嗰阵已经好满足啦！我仲记得姜蓉都食晒，所以而家出返嚟拍，我第一时间就系，一定要食返渠慨饭盒，好怀念。」

文颂娴拍剧最怀念盒饭

最高峰挨足36个钟发烧都返工

文颂娴再出来拍剧不觉辛苦，因为挨过苦，以前拍古装，凌晨5点30分到厂化妆整头，拍完外景再拍厂景，冷气大得吓人，挨更抵夜又一冷一热，文颂娴发烧到脸都青埋，都坚持不「冧厂」，她莞尔道：「我嗰时真系太乖啦，真系病住我都开工，啲Crew都话『哗你个样都咁啦，不如你冧啦，你咁勤力做咩呀？』仲会藐我，『冧啦，冧我哋可以收工呀！』太乖啦！发紧烧喎，仲要记到两页纸慨对白。」文颂娴最高峰试过连续直踩36个钟，她想起不禁自嘲：「试过最高峰36个钟冇瞓，仲要揸车，你谂吓几危险？但挨到㗎，个妆依然贴服，你细个廿岁未够唔化妆啲人都话『你打咗胭脂呀？』而家你化咗妆几日唔瞓，啲人问：『哗做咩呀你？你病呀？』」

文颂娴虽然自嘲状态不及后生好，但近年复出参演ViuTV新剧《打天下》的冻龄美貌却震惊网民

望女儿先苦后甜：咁将来先识珍惜

正因挨大，文颂娴希望女儿亦能培养坚强性格。早前女儿与同学外出5日4夜野外露营，文颂娴只能帮手买随身物品及执行李，露营期间女儿不允许使用电子产品，虽然文颂娴坦言当时第一时间听到感到有些心凉，但为人父母又怎不可能担心女儿，提起爱女，文颂娴眼中尽是温柔又骄傲，她说：「平时我个女一返到嚟屋企，第一件事就系问『妈咪可唔可以开冷气呀？』次次都系咁，嗰次我有少少心凉㗎，我睇佢冇冷气会点样。咁佢又挨到，虽然你去接渠慨时候，你会见到好似生意失败咁，佢话条裤唔见咗，但渠已经有进步啦！」文颂娴坚信做人要先苦后甜，「人愈细挨苦愈好，咁佢将来先会识得珍惜，呢个体验嚟，叫体验课程，所以我好Buy㗎。」