呢鋪開乜丨蘇民峰教五...

呢鋪開乜丨蘇民峰教五官辨證渣男渣女學「隔渣」 破解掌相「死亡感情線」

蘇民峰拍住4位J2ers倪嘉雯（Carmen）、陳欣茵（Sonya）、陳國麟（Doniven）同黃嘉雯（Carmaney）主持嘅J2節目《呢鋪開乜︰開壇》噚晚9點半播出，「一世人流流長，總會遇上幾個人渣」，蘇民峰師傅呢集教大家憑面相分辨渣男、渣女學「隔渣」，又指導Carmen點樣脫單。

呢集內容同拍拖有關，全程見到倪嘉雯非常留心，不時向師傅提問，有關姻緣及如何點評男生，似乎非常上心，佢接受訪問時解釋︰「唔係好想拍拖，亦唔係一個人好孤單，想大時大節搵人一齊過嗰隻。因為單身咗5年，好想知幾時有拖拍，好奇會唔會有拖拍，定係嚟緊10年都冇拖拍，所以想問師傅有冇桃花，幾時嗰個人會出現。」倪嘉雯自言有男仔追，因為希望拍拖對象，就係將來結婚對象，唔想浪費大家時間玩玩吓，所以佢到而家都未揀定，倪嘉雯開出擇偶條件︰「我status係A1囉，鍾意啲有才華嘅男仔，令我好崇拜佢，仲要有幽默感。」

識人係第一步，相人先重要，蘇民峰話唔好搵嘴歪牙疏嘅人做另一半，因為呢類人吹水唔抹嘴，一般「完唱」，另外從眼眉、雙眼都可以辨別渣男、渣女，蘇師傅又講到「渣」並非男士專利，過往遇到好多女士臨結婚至問「嫁邊個」，原來嗰啲女士同時有幾個男朋友，反而未見過男士有同類問題，蘇師傅又講渣女有特定外貌，包括小腿瘦、眼帶淚水同眉毛亂，原來嘴唇厚都係其中一個特徵。

蘇師傅仲提到一款叫「死亡感情線」嘅掌紋，感情線指向中指，呢款掌代表感情難有着落，因為中指代表隱居、孤獨，嚇到各位主持紛紛搵師傅睇掌，片尾有師傅揀老公愛情錦囊！

《呢鋪開乜︰開壇》逢星期四晚上9點半J2（82台）播出

网址：呢鋪開乜丨蘇民峰教五... http://c.mxgxt.com/news/view/613326

相关内容

《呢鋪開乜︰開壇》 ...
“小虎隊之父”出書爆料 張小燕曾要逼退蘇有朋
蘇皓兒同顧定軒唔過電
母親節開live獻s...
谷愛淩和蘇翊鳴的“神仙友誼”，源於這部紀錄片！導演透露幕後故事
蘇小婉馄饨铺加盟
孫海洋好友郭剛堂發聲：恭喜！希望繼續為這個群體發聲
#黄丽玲[超话]#[...
蘇大強表情包版權引爭議 明星表情包商用要謹慎
孫繼海微博開炮 貴州人和隊內部矛盾公開化

随便看看